Elektron søkir eftir royndum forritara við tevi fyri snildum loysnum

Hevur tú royndir við .Net, C# og Angular? So er tað kanska tær, vit leita eftir.

 

Virksemið í Elektron er alsamt vaksandi. Vit leita tí eftir fleiri dugnaligum forritarum til menningardeildina hjá Elektron. Elektron verður í dag mannað av fólki ið fakliga spenna víða, og sum virka í einum fjølbroyttum arbeiðsumhvørvi millum skiftandi uppgávur.

 

Vit vænta av tær, at tú lýkur eitt ella fleiri av hesum krøvum:

  • Tú hevur viðkomandi útbúgving, og/ella fleiri ára royndir innan KT.
  • Tú hevur royndir við .Net og C#
  • Tú hevur royndir við Angular
  • Tú hevur royndir við Umbraco
  • Tú hevur royndir við Java/Oracle

 

Tú hevur fyrimun um:

  • Tú hevur royndir við lønarskipanum
  • Tú hevur certificeringar, sum styrkja tínar førleikar.
  • Tú hevur royndir við og dámar at arbeiða í SCRUM toymum.

 

Vit kunnu bjóða tær:

Tú verður partur av eini fyritøku, ið mennir og rekur samfelagskritiskar skipanir fyri eina røð av kundum á Føroyska marknaðinum. Tú fert at arbeiða við fjølbroyttum menningar- og viðlíkahalds-uppgávum, ið krevja kreativar loysnir, skjóta levering og høgt trygdarstøði.

Á Elektron raðfesta vit arbeiðsumhvørvið og trivnaðin. Tú kanst vænta tær eitt dámligt og óformelt samskifti við tínar starvsfelagar, har øll eru til reiðar at stuðla tær í tínum arbeiði.

Lønin verður avtalað í mun til royndir og útbúgving.

 

Um Elektron

Elektron er millum landsins størstu KT-veitarar á Føroyska marknaðinum. Umframt at menna og viðlíkahalda skipanir, bjóða vit tænastur so sum hýsing, Mínrokning, KT-trygdartænastur og Print og pakking.

Á Elektron starvast 59 fólk, harav 28 fólk í menningardeildini. Elektron veitir tænastur til almennar stovnar, bankar og tryggingarfeløg, privatar fyritøkur og kommunur.
Elektron hevur eina árliga sølu á uml. 80 mió.kr.

 

 

Umsókn:

Hevur tú spurningar um starvið, ert tú vælkomin at seta teg í samband við Hans Petur Weihe, á tlf. 295107, ella t-post: hansp@elektron.fo.

Vit ynskja at seta starvið skjótast til ber. Umsókn skal sendast til hr@elektron.fo.

 

Umsóknarfreistin er 20/4-2021