Tilverugrundarlag

 

Elektron hevur sum aðalmál at veita dygdargóðar KT-loysnir til føroyska marknaðin. Okkara mál er at veita KT-loysnir, ið skapa meirvirði til okkara kundar, partaeigarar og samfelagið sum heild.

Hugmynd

 

Vit vilja vera fremsta val hjá føroyingum

 

Virkisætlan

 

Vit skulu við nærlagni, ábyrgdarsemi, íðni og framsøkni skapa varandi og lønandi sambond við kundar okkara. Í dagliga arbeiðnum leggja vit serligan dent á góða ráðgeving og tíðarhóskandi, tryggar og brúkaravinarligar KT-loysnir. Vit vilja vera kend fyri, at dagliga arbeiðið fyri kundarnar altíð er væl úr hondum greitt.

Elektron hevur í meira enn 50 ár luttikið í samfelagsmenningini og sporførið sæst aftur í, at KT-loysnir kveikja eitt meirvirði til kundar okkara og til samfelagið sum heild. Slíka samfelagsmenning vilja vit áhaldandi vera partur av við at veita dygdargóðar KT-loysnir til almennar stovnar og fyritøkur, privatar fyritøkur og peningastovnar.